by Missing students from hostel: నిర్మల్, అక్టోబర్ 22(మన బలగం): నిర్మల్ జిల్లా భైంసా సాంఘిక సంక్షేమ బాలుర వసతి గృహం నుంచి నలుగురు విద్యార్థులు కనిపించకుండా పోయారు. హాస్టల్లో ఉంటున్న చరణ్, రాకేశ్, కేశవ్, ఈశ్వర్ మంగళవారం ఉదయం నుంచి హాస్టల్లో కనిపించకుండా పోయారు. విషయం తెలిసిన విద్యార్థుల తల్లిదండ్రులు హాస్టల్ చేరుకుని తమ పిల్లలు ఎక్కడికి వెళ్లారని సిబ్బందిని ప్రశ్నించారు. ఇదిలా ఉండగా సోమవారం రాత్రి విద్యార్థుల మధ్య గొడవ జరిగినట్లు తెలుస్తోంది. కాగా ఎప్పటిలాగే మంగళవారం తెల్లవారుజామున వాచ్‌మెన్ పాలను అందించేందుకు వెళ్లిన సమయంలో విద్యార్థుల మిస్సింగ్ విషయాన్ని గమనించాడు. ఈ విషయం బయటకు రావడంతో సీఐ గోపీనాథ్ హాస్టల్‌కు చేరుకొని విద్యార్థుల వివరాలను సేకరించడం ప్రారంభించారు. అలాగే హాస్టల్ సిబ్బంది విద్యార్థులను వెతికే పనిలో పడ్డారు.
