by District level sports competitions: జగిత్యాల జిల్లా కేంద్రంలోని స్వామి వివేకానంద మినీ స్టేడియంలో స్కూల్ గేమ్స్ ఫెడరేషన్ ఆధ్వర్యంలో మంగళవారం జిల్లా స్థాయి క్రీడా పోటీలను ప్రభుత్వ విప్, ఎమ్మెల్యే అడ్లూరి లక్ష్మణ్ కుమార్, స్థానిక ఎమ్మెల్యే సంజయ్ కుమార్‌తో కలిసి ప్రారంభించారు. ఈ సందర్భంగా వారు మాట్లాడుతూ తానూ క్రీడాకారుడినేనని, క్రీడా జీవితం నుంచి ప్రజాప్రతినిధిగా ఎదిగానని తెలిపారు. రాష్ట్రంలో జగిత్యాల జిల్లాకు ప్రత్యేక స్థానం ఉందని, క్రీడారంగంలో జిల్లాను ముందుంచే విధంగా సంబంధిత అధికారులు కృషి చేయాలని కోరారు. క్రీడాకారులకు భోజన సదుపాయాన్ని ఏర్పాటు చేయాలని సూచించారు. కార్యక్రమంలో జగిత్యాల మున్సిపల్ చైర్మన్ ఆడువాల జ్యోతి, అధికారులు, కాంగ్రెస్ పార్టీ నాయకులు, కార్యకర్తలు తదితరులు పాల్గొన్నారు.
