by Christmas celebrations: పెగడపల్లి, డిసెంబర్ 25 (మన బలగం): క్రిస్మస్ సందర్భంగా పెగడపెల్లి మండలంలోని సీఎస్ఐ చర్చిలో నిర్వహించిన క్రిస్మస్ వేడుకల్లో ప్రభుత్వ విప్ ఎమ్మెల్యే అడ్లూరి లక్ష్మణ్ కుమార్ పాల్గొన్నారు. ఈ సందర్భంగా ప్రభుత్వ విప్ లక్ష్మణ్ కుమార్ మాట్లాడుతూ కైస్తవ సోదర సోదీమణులకు క్రిస్మస్ శుభాకాంక్షలు తెలియజేసారు. రాష్ట్ర ప్రజలు మార్పు కోరుకోవడంతో కాంగ్రెస్ పార్టీ అధికారంలోకి వచ్చిందని, ఈ రోజు అధికారికంగా ఒక ఎమ్మెల్యే విప్ హోదాలో క్రైస్తవ సోదర సోదరీమణుల మధ్య వేడుకలు జరుపుకోవడం చాలా సంతోషంగా ఉందని తెలిపారు. ఆ క్రీస్తు కృపా కటాక్షాలు ఎల్లవేళలా ధర్మపురి నియోజకవర్గ ప్రజలపైన ఉండాలని మనస్ఫూర్తిగా కోరుకుంటున్నట్లు తెలిపారు. కార్యక్రమంలో మండల కాంగ్రెస్ పార్టీ నాయకులు కార్యకర్తలు తదితరులు పాల్గొన్నారు.
