by Plantation program: ముధోల్, అక్టోబర్ 30 (మన బలగం): మండల కేంద్రమైన ముధోల్ ప్రభుత్వ డిగ్రీ కళాశాల ప్రాంగణంలో బుధవారం ముధోల్ హిందూ ఉత్సవ కమిటీ డిగ్రీ కళాశాల ప్రిన్సిపాల్ బుచ్చయ్య ఆదేశానుసారం సిబ్బంది కలిసి దాదాపు 30 మొక్కలు నాటారు. ఉత్సవ కమిటీ అధ్యక్షులు రోళ్ల రమేశ్ మాట్లాడుతూ మొక్కలు మానవాళికి జీవనాధారమైన ఆక్సిజన్‌ను అందిస్తాయని తెలిపారు. కళాశాలకు వచ్చిన వారికి చల్లని నీడను అందిస్తాయని అన్నారు. ప్రతి ఒక్కరూ తమ వంతుగా ఒక మొక్కను తమ ఇంటి ముందర నాటాలని సూచించారు. కార్యక్రమంలో ముధోల్ ఉత్సవ కమిటీ గౌరవ అధ్యక్షులు ధర్మపురి సుదర్శన్, ఉపాధ్యక్షులు తాటివార్ రమేశ్, వరగంటి జీవన్, కళాశాల లెక్చరర్లు సంజీవ్ కుమార్, సత్యనారాయణ, అంబదాస్, ప్రవీణ్ లాల్, రాజకుమార్, రాజు, శివాణి, వనజ, గ్రామ పంచాయతీ సిబ్బంది లక్ష్మణ్, రతన్, ఆకాశ్, విద్యార్థిని, విద్యార్థులు ఉన్నారు.
