by India vs Ireland highlights, T20 World Cup 2024: టీ 20 వరల్డ్ కప్‌లో ఇండియా టైం ప్రకారం.. రాత్రి 8 గంటలకు ఇండియా, ఐర్లాండ్ మ్యాచ్ ప్రారంభం కానుంది. టోర్నీలో హాట్ ఫేవరేట్‌గా టీం ఇండియా బరిలోకి దిగుతోంది. టీం ఇండియాతో ఐర్లాండ్ ఇప్పటి వరకు ఏడు సార్లు తలపడగా.. ఏడింట్లోనూ ఇండియానే గెలిచింది. కేవలం ఒకే ఒక టీ 20లో పాల్గొనగా.. అందులోనూ టీం ఇండియానేపై చేయి సాధించింది. ట్రెంట్ బ్రిడ్జిలో జరిగిన ఆ మ్యాచ్‌లో ఎనిమిది వికెట్ల తేడాలో ఐర్లాండ్‌పై గెలుపొందింది.
టీం ఇండియా విరాట్ కొహ్లి, రోహిత్ శర్మలతో ఓపెనింగ్ చేయనుంది. చాలా రోజుల తర్వాత ఇద్దరు సీనియర్లు ఓపెనింగ్ చేయనుండటంతో ప్రత్యర్థి జట్లకు తిప్పలు తప్పవు. జట్టులో జస్ ప్రీత్ బుమ్రా మెయిన్ బౌలర్ కాగా.. సిరాజ్, అర్షదీప్ సింగ్‌లతో ఎవరో ఒకరికి మాత్రమే చాన్స్ వచ్చే అవకాశం ఉంది. అర్షదీప్ సింగ్‌తో పాటు మూడో పేసర్‌గా ఆల్ రౌండర్ హర్దిక్ పాండ్యా కొనసాగనున్నాడు. జడేజాకు తోడుగా.. అక్షర్ పటేల్ టీంలోకి వస్తే బౌలింగ్ ఆల్ రౌండర్ కొరత తీరనుండగా.. కుల్దీప్ యాదవ్‌కు చాన్స్ ఇవ్వనున్నట్లు సమాచారం.
వికెట్ కీపర్ బ్యాట్స్ మెన్‌గా రిషబ్ పంత్‌కే మొగ్గు చూపనున్నారు. రోహిత్(Rohit Sharma), విరాట్ కొహ్లీ (Virat Kohli), సూర్య కుమార్ యాదవ్ (Surya Kumar Yadav), రిషబ్ పంత్ (Pant) హర్దిక్ పాండ్యా (Hardik Pandya), జడేజా, దూబె, అక్షర్ పటేల్, సిరాజ్, అర్షదీప్, బుమ్రాలతో మొదటి మ్యాచ్‌లో బరిలోకి దిగే అవకాశం ఉంది. కుల్దీప్ కావాలనుకుంటే సిరాజ్‌ను పక్కన పెట్టే అవకాశం ఉంది. ఐర్లాండ్ కోచ్ మాట్లాడుతూ.. గత నెల క్రితం పాకిస్థాన్‌ను టీ 20 మ్యాచ్‌లో ఓడించాం. ఆస్ట్రేలియాలో గత టీ 20 వరల్డ్ కప్‌లో డిపెండింగ్ ఛాంపియన్ ఇంగ్లండ్‌ను మట్టి కరిపించాం. ఈ సారి ఇండియాను కూడా ఓడిస్తామనే నమ్మకం ఉందన్నాడు.
